Aagoko Biu

के यो समयको चित्र हो ? के यो देशको अनुहार हो ? के यी कम्पनमा नेपालीका रगरगी कुदेका छन् ? यस्तै अनन्त प्रश्नका गुजुल्टामा उनको ललित चेतनाले फणा उठाएको देखिन्छ । आत्मपरकताको कठोर मन्थनलाई सजिलो प्रस्तुति, वैचारिकताको उज्यालो प्वाँख फडफडाइ, चेतनाको रौंचिरा दगुराइसँग उनी निबन्ध लेख्छन् । हाम्रै वरपरका घटना, चित्र, पात्र, बोलीवचनसँग आँखा जुधाएर संवाद कलाको क्षमता पस्कन्छन् उनी । आख्यानको स्वादमा नेपाली निबन्ध पस्कने खुबीका यी शब्दशिल्पीलाई आगोको बीउ खोज्ने साहसिक पाइलाको प्रशंसा गछौं । नेपाली निबन्धका इन्द्रेनीमा युवराज नयाँघरेले थप रङ भरेको गौरव गरेका छौं हामीले ।