Daak Bangla

सन् ५० को दशकमा लेखिएको यो उपन्यास त्यस बेलाको दार्जिलिङे नेपाली समाजको सग्लो दर्पण हो । यसमा नेपाली नारीहरुको निश्छल प्रेम, पढेलेखेका युवाहरुको स्वार्थी चरित्र, जातीय छुवाछूत र तत्कालीन सामाजिक संस्कारको निकै रसिलो वर्णन छ । पढ्दा आँखामा झलझली दृश्य छाउँछ । अझ दोस्रो विश्वयुद्धताका बर्माका नेपालीभाषीहरुले भोग्नुपरेको कहरको चित्रण पढ्दा मन कटक्क भएर आउँछ । कुनै बेला विश्वविद्यालयहरुको पाठ्यक्रममा समेत रहेको यो उपन्यास साहित्यिक दस्तावेज हो ।