Nepalko chinari

स्वीस भूगर्भशास्त्री टोनी हागन मोहनशमशेर प्रधानमन्त्री छँदा विशेषज्ञका रूपमा नेपाल आएका थिए। राणा शासकहरूले चाहेझैँ उनले सुनखानी त पत्ता लगाउन सकेनन् तर प्राकृतिक र सांस्कृतिक सम्पदाले धनी नेपालको अपूर्व सुन्दरता पत्ता लगाए। टोनी हागनले ९ वर्षसम्म नेपालको तराई, पहाड र हिमालका कुनाकाप्चा चहारेपछि छापे सचित्र पुस्तक नेपालः द किङ्गडम इन द हिमालय। त्यसैको नेपाली अनुवाद हो नेपालको चिनारी। नेपालको कृषि, यातायात, उद्योग–व्यापार, जलस्रोतका साथै इतिहास र संस्कृतिको चित्रण गरिएको यस पुस्तकमा सन् १९९८ सम्मका तथ्याङ्कहरूसमेत समाविष्ट छन्। अङ्ग्रेजीबाहेक जर्मन, फ्रान्सेली र जापानी भाषामा प्रकाशित भइसकेको यो पुस्तक पहिलोपल्ट नेपाली भाषामा प्रकाशित भएको छ।