Nilo Gulaf

नीलो गुलाफ एउटा युवकको कथामात्र होइन, यो त ती सबै युवकहरूको कथा हो, जसले प्रेम गरे, प्रेम भोगे र बिछोडको पीडामा जलिरहे, तड्पिरहे । प्रेम जति सुन्दर हुन्छ, त्यो त्यति नै पीडादायक पनि हुन्छ भन्ने कुरा बताउँछ यसले । युवासुलभ प्रेमका अनेक अवस्थालाई दर्शाउने यस उपन्यासले पाठकलाई गहिरो प्रभाव छोड्ने सामर्थ्य राख्छ । उपन्यास पढ्दै गर्दा पाठकलाई लाग्नेछ, "कस्तो अराजक लेखक ! मेरै कथा पो लेखिदिएछ ।" यसमा प्रेमका अनेक स्वरूप छन् । यसले प्रेमको परिभाषा गर्दैन । यसले त प्रेमको परिभाषा गर्न सिकाउँछ । त्यसैले भन्न मन लाग्छ यो एउटा गजबको चमत्कारपूर्ण प्रेम कथा हो जसले थोरै हँसाउँछ, धेरै रुवाउँछ ।