Nyayako Awaan

अनाहकमा किशोर छोरा मारिएपछि गोरखाको एक किसान परिवारले न्याय खोज्दा पाएको सास्ती केवल एक व्यक्ति र परिवारमाथिको अत्याचारमात्र नभएर मुलुक सशस्त्र संघर्षमा होमिएका बेला असंख्य नेपालीले पाएको पीडाको एउटा दृस्टान्त हो । सामान्य पारिवारिक कलहले राजनीतिक आवरणमा निम्त्याएको हिँसा र एउटी आमाको सुन्दर संसार उजाडिएपछि पीडाका अश्रुधाराले खोपेको मर्मान्त कथा थाहा पाउन मात्रै होइन, आम नागरिक र हरेक पुस्ताले यो देशको न्यायिक अवस्था बुझ्न गंगामायाको आत्मकथा गतिलो अभिलेख हुनेछ ।