Poshan Varnmala

केरा खाँदै क लेखें, खुवा खाँदै ख लेखें, सबै खानेकुरामा अक्षरै देखें मकैसित मेवा छ, माल्युवा र मुला छ, मैले लेख्ने म भित्र धेरै कुरा छ । तरूल खाने पातैमा, तिलको लड्डु हातैमा, तोफु पनि आउँदैछ, खाउँला साथैमा । स लेखेर सुन्तला खान पाइयो भनेको, सोध्न जाँदा भान्छामा, सेल बनेको । पढ्दापढ्दै खाने हो, खानेकुरा पोसिला, जैले पनि फुर्तिला, हामी जोसिला । थरीथरी स्वाद छन्, थरीथरी रङ्ग छन्, सबै खानेकुराका आफ्‌नै ढङ्ग छन् । पैले अक्षर जानेर पछि खाना छानेको, बा-आमा र गुरूमाले कस्तो जानेको ?