Tamorko Suseli

उनी मानव जीवनका भोगाइलाई सूक्ष्मरूपमा केलाउन सक्ने समसामयिक दृश्यचेत भएका कुशल कथाकार हुन् । उनका पात्रहरू वाचाल छन् । विद्रोही छन् । तर तिनको विद्रोहमा शिष्टता छ । क्रमभङ्गता छ । तर विध्वंशता छैन । पात्रहरूको मौनतामा पनि तीक्ष्ण प्रवेगको अनुभूति छ । उनका पात्रहरू तर्कद्वारा आफ्नो अभिमत पुष्टि गर्ने हैसियत राख्न् । ' तमोरको सुसेली आम मान्छेका अनुभव र अनुभूतिजन्य मानवीय संवेगहरूको सङ्लो सँगालो हो । यस कथासङ्ग्रहको माध्यमबाट स्रष्टा लक्ष्मीकिशोर सुवेदीले ' कथाकारको नयाँ परिचय पाएका छन् । नेपाली साहित्यको आख्यान समाजमा लक्ष्मीकिशोरलाई हार्दिकतापूर्वक स्वागत गर्न चाहन्छु । जय होस् ! • महेशविक्रम शाह -